HENRY

«Asmatu nuen. Liburuak arrazoi zuen. Jekyllen esperimentua posible zen». Asteak daramatzan proiektua baztertu ondoren zapuztuta eta umiliatuta, Axel Whitek bere buruarekin esperimentatzea erabaki du, bere ideia posible dela frogatzeko asmoz. Horrela bihurtzen da Henry Rider, printzipio sutsuko gaztea, eskuak odolez zikintzen dituena bere alter ego-ak bere ametsa bete dezan. Baina denak du prezio bat, Axelek ez baitu gogoratzen zer gertatzen den bere beste «ni» ak kontrola hartu eta Londresko kaleak zeharkatzen dituenean. Zer gertatuko litzateke zure izatearen alderik ilunena askatzeko aukera izango bazenu, bere ekintzen ondorioak ordaindu beharrik gabe? Utziko zenuke munduari ezkutatzen diozun zati hori astean zortzi orduz libre izaten?