ILBERRIA

Garai batean, duela mende asko eta asko, pertsonek gaur egun baino argiago uler zezaketen naturaren hizkuntza. Garai hartan gizakiak oso lotuta zeuden naturako izakiekin, eta haiek transmititzen zizkieten ezagutza guztiak ulertzen zituzten. Garai hartan, basoaren kanpoaldean zegoen herri txiki batean, Tania izeneko neskato bat bizi zen. Egun batean, amari laguntzeko saski bat ehuntzen ari zela, bat-batean konturatu zen eserita egon zen lekuan odol-orban bat zegoela. Apur bat beldurtuta, eta agian zauritu egin zela pentsatuta, bere amaren bila joan zen berehala, senda zezan. — Ez izan beldurrik, seinale ona da hori — Taniak begietara begiratu zion amari, pozez distiratzen baitzioten —. Horrek esan nahi du zure ilargi-boterea iristen ari dela. Ilargi berria opari handia da neskatoek beren bizitzaren etapa berri hau kontzienteki eta emakumeen zikloarekin konektatuta has dezaten, eta, batez ere, bizipen positibo eta sakratu gisa.